Caput 2 HIDE LINKS TO MANUSCRIPTS
| 1 | factum est autem in diebus illis exiit edictum a Caesare Augusto ut describeretur universus orbis |
| 2 | haec descriptio prima facta est praeside Syriae Cyrino |
| 3 | et ibant omnes ut profiterentur singuli in suam civitatem |
| 4 | ascendit autem et Ioseph a Galilaea de civitate Nazareth csg51.135 in Iudaeam civitatem David quae vocatur Bethleem eo quod esset de domo et familia David |
uwb1.127 | 5 | ut profiteretur cum Maria desponsata sibi uxore praegnate |
| 6 | factum est autem cum essent ibi impleti sunt dies ut pareret |
| 7 | et peperit filium suum primogenitum bsb6573.88 r et pannis eum involvit et reclinavit eum in praesepio quia non erat eis locus in diversorio |
| 8 | et pastores erant in regione eadem vigilantes et custodientes vigilias noctis supra csg48.203 gregem suum |
| 9 | et ecce angelus Domini stetit iuxta illos et claritas Dei circumfulsit illos uwb68.95 r et timuerunt timore magno |
| 10 | et dixit illis angelus nolite timere ecce enim evangelizo vobis gaudium magnum bnf9389.120 r quod erit omni populo |
| 11 | quia natus est vobis hodie salvator qui est Christus Dominus in civitate David |
| 12 | et hoc vobis signum invenietis infantem pannis involutum et positum in praesepio |
| 13 | et subito facta est cum angelo multitudo militiae caelestis laudantium Deum et dicentium |
| 14 | gloria in altissimis Deo et in terra pax in hominibus bonae voluntatis |
| 15 | et factum est bsb6573.88 v ut discesserunt ab eis angeli in caelum pastores loquebantur ad invicem transeamus usque Bethleem et videamus hoc verbum quod factum est quod fecit Dominus et ostendit nobis |
| 16 | et venerunt festinantes et invenerunt Mariam et Ioseph et infantem positum in praesepio |
| 17 | videntes autem cognoverunt de verbo quod dictum erat illis de puero hoc |
| 18 | et omnes qui audierunt uwb1.128 mirati sunt et de his quae dicta erant a pastoribus ad ipsos |
| 19 | csg75.720 Maria autem csg48.204 conservabat omnia verba haec conferens in corde suo |
| 20 | et reversi sunt pastores glorificantes csg51.136 et laudantes Deum in omnibus quae audierant et viderant sicut dictum est ad illos |
| 21 | et postquam consummati sunt dies octo ut circumcideretur vocatum est nomen eius Iesus quod vocatum est ab angelo bnf9389.120 v priusbsb6573.89 rquam in utero conciperetur |
| 22 | et postquam impleti sunt dies purgationis eius secundum legem Mosi tulerunt illum in Hierusalem ut sisterent eum Domino |
| 23 | sicut scriptum est in lege Domini quia omne masculinum adaperiens vulvam sanctum Domino vocabitur |
uwb68.95 v | 24 | et ut darent hostiam secundum quod dictum est in lege Domini par turturum aut duos pullos columbarum |
| 25 | et ecce homo erat in Hierusalem cui nomen Symeon et homo iste iustus et timoratus expectans consolationem Israhel et Spiritus Sanctus erat in eo |
| 26 | et responsum acceperat ab Spiritu Sancto non visurum se mortem nisi prius videret Christum Domini |
| 27 | et venit in Spiritu in templum et cum inducerent puerum Iesum parentes eius ut facerent secundum consuetudinem legis pro eo |
| 28 | et ipse accepit eum in ulnas suas bsb6573.89 v et benedixit Deum csg48.205 et dixit |
| 29 | nunc dimittis servum tuum Domine secundum verbum tuum in pace |
| 30 | quia viderunt oculi mei salutare tuum |
uwb1.129 | 31 | quod parasti ante faciem omnium populorum |
| 32 | lumen ad revelationem gentium et gloriam plebis tuae Israhel |
| 33 | et erat pater eius et mater mirantes super his quae bnf9389.121 r dicebantur de illo |
| 34 | et benedixit illis Symeon et dixit ad Mariam matrem eius ecce positus est hic in ruinam et resurrectionem multorum in Israhel et in signum cui contradicetur |
| 35 | et tuam ipsius animam pertransiet gladius csg51.137 ut revelentur ex multis cordibus cogitationes |
| 36 | et erat Anna prophetissa filia Phanuhel de tribu Aser haec processerat in diebus multis et vixerat cum viro suo annis septem a virginitate sua |
| 37 | et haec vidua usque ad annos bsb6573.90 r octoginta quattuor quae non discedebat de templo ieiuniis et obsecrationibus uwb68.96 r serviens nocte ac die |
| 38 | et haec ipsa hora superveniens confitebatur Domino et loquebatur de illo omnibus qui expectabant redemptionem Hierusalem |
| 39 | et ut perfecerunt omnia secundum legem Domini reversi sunt in Galilaeam in civitatem suam Nazareth |
| 40 | puer autem crescebat et confortabatur plenus sapientia et gratia Dei csg48.206 erat in illo |
| 41 | et ibant parentes eius per omnes annos in Hierusalem in die sollemni paschae |
| 42 | et cum factus esset annorum duodecim ascendentibus illis in Hierosolymam secundum consuetudinem diei festi |
uwb1.130 | 43 | consummatisque diebus cum redirent remansit puer Iesus bnf9389.121 v in Hierusalem et non cognoverunt parentes eius |
| 44 | existimantes autem bsb6573.90 v illum esse in comitatu venerunt iter diei et requirebant eum inter cognatos et notos |
| 45 | et non invenientes regressi sunt in Hierusalem requirentes eum |
| 46 | et factum est post triduum invenerunt illum in templo sedentem in medio doctorum audientem illos et interrogantem |
| 47 | stupebant autem omnes qui eum audiebant super prudentia et responsis eius |
| 48 | et videntes admirati sunt et dixit mater eius ad illum fili quid fecisti nobis sic ecce pater tuus et ego dolentes quaerebamus te |
| 49 | et ait ad illos quid est quod me quaerebatis nesciebatis quia in his quae Patris mei sunt uwb68.96 v oportet me esse |
| 50 | et ipsi non intellexerunt csg51.138 verbum quod locutus est ad illos |
| 51 | et descendit cum eis et venit Nazareth et erat bsb6573.91 r subditus illis et mater eius conservabat omnia verba csg48.207 haec in corde suo |
| 52 | et Iesus proficiebat sapientia aetate et gratia apud Deum et homines |